لو أنت مشروعك لسه في بدايته أو علي نطاق ضيق فللأسف مينفعش تتجه لأنواع التسويق المعتادة أو تسمع لنصائح كورسات التسويق لأنها بتوجهه دايما كلامها لطبقة معنيه من الشركات و اللي بتكون أصلا شغاله بقالها فترة كبيرة أو الشركات الكبيرة فعلا و ليها سوقها ف وقتها الاستراتيجات اللي بيطرحوها بيكون ليها قيمة وتأثير ملموس في الشركات اللي من النوعية دي.
احنا في المقال ده هيكون توجهنا كله لل start up و ازاي يتم تسويقها بشكل صحيح من خلال ال entrepreneurial marketing – تسويق المشروعات الحرة .
Entrepreneurial marketing – تسويق المشروعات الحرة
جدول المحتويات
ايه هو ال Entrepreneurial marketing – تسويق المشروعات الحرة ؟
هو نوع واستراتيجية للتسويق متخصص لتسويق المشروعات الجديدة والصغيرة بس و اللي يكون فكرتها مختلفة عن الرائج في السوق.
خصائص ال Entrepreneurial marketing – تسويق المشروعات الحرة :-
1-التوجهات الإستراتيجية strategic orientation
زي ما ذكرنا ان النوع ده من التسويق متخصص في المشروعات الصغيرة اللي افكارها غير رائجة ، و بالتالي فهو توجهه الإستراتيجي هو نشر الفكرة و ليس جذب عملاء.
2- الاستراتيجية strategy
المتبعة هي استراتيجية ال bottom – up بمعني أنه يتجه في السوق من القاع للقمة ، بيعتمد النوع ده من التسويق على انه بيعرض المنتج قدام الناس كلها دون تصنيف و يبدأ بالتحليل و الدراسة لمستهلكين المنتج ومعرفة هويتهم و سنهم و سلوكهم الشرائي و هكذا و بعد كده بيقوم بتحديد جمهوره المستهدف الناتج عن التحليل و الدراسة، علي عكس المشاريع الثابتة الكبيرة بتقوم بسياسة عكسيه اسمها funnel approach سياسة القُمع.
يمكنك الاطلاع علي Soft skills المهارات الناعمة
3-الطريقة method
بيعتمد علي 3 طرق هما :-
*word of mouth ودي بعتمد فيها على تسويق الناس للمنتج بمعنى إن حد جرب المنتج و عجبه فنقل ال review بتاعه لشخص تاني و هكذا و بالتالي تكونت سُمعه جيدة للمنتج.
*direct selling ودي بتعتمد على قيام صاحب الفكره بنشرها على جميع مستويات معارفه الشخصية أو المهنية.
*reward انك تكافئ الاشخاص المتفاعله مع منتجك سواء بالخصم أو تقديم الهدايا.
4-الذكاء التسويقي marketing intelligence
الذكاء التسويقي بشكل عام بيشمل العوامل المحيطة بالتسويق و اللي بتستخدم كأدوات ليه غير مباشرة فبالنسبة للنوع ده من التسويق بيعتمد في أدواته علي
جمع البيانات + تكوين شبكة علاقات مع الشركات الصغيرة الأخرى و بالتالي تكوين كتلة قادره علي مواجهة و تنافس أي شركة من الشركات الكبرى.
في النهايه بنذكرك بأن بدايتك الصح هي سبب في انطلاقتك و نجاحك و راحتك قدام ، ابدأ بخطوات مدروسه و بخطه استراتيجية و بنوع تسويق مناسب.
