ما هو التصميم الجرافيكي ؟ هو نوع من أنواع التصميم المختلفة واصبح يفرض وجودة في كل شئ في حياتنا اليومية ف مثلا هذا الموقع ملئ بتصاميم الجرافيك و كذلك ذلك المقال يحتوي علي العديد من التصاميم و حتي اذا اغلقت هذا الموقع و قمت بفتح اي تطبيق علي هاتفك فستجده كذلك ملئ بتصاميم الجرافيك و اذا كنت في منزلك و قمت بفتح التلفاز ستجد ايضا جميع المحتويات المعروضة تحتوي علي تصميم جرافيكي و حتي اذا كنت في الشارع فأغلق هاتفك و انظر حولك ستجد يافطات المحلات و لوحات الاعلانات كلها تحتوي علي تصاميم جرافيكيه اذا فهو جزء أساسي من حياتنا اليومية ف لابد من معرفته و معرفة اسسه و عناصره .
التصميم الجرافيكي هو نوع من أنواع التصميم المختلفة وهو مجموعة من العناصر التي يتم توظيفها بشكل فني يجذب العين و الانتباه بغرض تعريف شئ ما او اخبار المعلومات و إعطاء التعليمات او التقديم و العرض بهدف الترويج و الدعايا و يعرف أيضا بأنه فن الاتصالات البصرية و بداية ظهوره كان في الغرب في القرن ال 19.
التصميم الجرافيكي هو فن وممارسة تخطيط وعرض الأفكار والخبرات مع المحتوى المرئي والنصي. يمكن أن يكون شكل الاتصال ماديًا أو افتراضيًا ، وقد يشمل الصور أو الكلمات أو الأشكال الرسومية. يمكن أن تحدث التجربة في لحظة أو على مدى فترة زمنية طويلة.
ينشئ مصممو الرسوم ويجمعون الرموز والصور والنصوص لتشكيل تمثيلات مرئية للأفكار والرسائل. يستخدمون أساليب الطباعة والفنون المرئية وتقنيات تخطيط الصفحة لإنشاء التراكيب المرئية. تشمل الاستخدامات الشائعة للتصميم الجرافيكي تصميم الشركات (الشعارات والعلامات التجارية) ، والتصميم التحريري (المجلات والصحف والكتب) ، وإيجاد الطريق أو التصميم البيئي ، والإعلان ، وتصميم الويب ، وتصميم الاتصالات ، وتغليف المنتجات واللافتات.
3- احتواء التصميم علي نص كتابي حتي يساعدوعلي ايصال الفكرة.
4- مراعاة تناسق الألوان و انسجامها.
5- كذلك استخدام الوان واضحة تساعدك في توصيل تصميمك.
6-استخدام الخطوط المناسبة لتصميمك ف من المميز اختيار font يتناسب مع رساله التصميم و الجمهور الموجهه له ف مثلا شركة جيلت لماكينات الحلاقة تستخدم فونت عريض و واضح لأن ذلك يتناسب مع المنتج و الجمهور الموجهه له و هم الرجال.
التصميم الجرافيكي واحد من خدمات التسويق الإعلامي وهناك بعض الشروط الأساسية للنجاح في التصميم الجرافيكي أولاً ، يجب أن يكون لديك شغف بالموضوع. سيقودك هذا الشغف إلى ابتكار تصميمات مذهلة تبرز عن البقية.ثانيًا ، يجب أن تكون مبدعًا للغاية ولديك خيال قوي. سيسمح لك ذلك بالتوصل إلى أفكار أصلية تجذب انتباه الناس. ثالثًا ، يجب أن تكون قادرًا على العمل بشكل جيد تحت الضغط والوفاء بالمواعيد النهائية. هذا ضروري في عالم التصميم الجرافيكي سريع الخطى. أخيرًا ، يجب أن يكون لديك فهم جيد لأحدث الاتجاهات والتقنيات. سيضمن ذلك أن تكون تصميماتك دائمًا في طليعة الصناعة. إذا تمكنت من تلبية كل هذه الشروط ، فأنت في طريقك إلى أن تصبح مصمم رسومات ناجحًا.
ما الذي يجعل تصميم اللوجوlogo ثابت في عقول الملايين و آخر لا يثبت في عقل واحد فقط ؟ بالتأكيد طرق هذا السؤال ذهنك من قبل و بحثت عن سبب لذلك ، و بالتأكيد كلنا نبحث عن التميز و صناعة وتصميم لوجو ناجح الذي يلفت الجميع و يتذكرونه و ستجد السبب في ذلك السؤال و سنساعدك ايضا في صناعة اللوجو المميز الناجح.
في البداية نود ان ننبهك بأهمية اللوجو ف شعار الشركة هو اول ما يقع عين العميل عليها بعد قرائته للاسم بل اللوجو يمكن ان يكون السبب الرئيسي في لفت نظرة للإسم و العلامة التجارية ، و كذلك كل عمل مهما بلغ حجمة سواء كبير او صغير يحتاج إلي اللوجو يؤسس هويته و يكون وسيط تعارف بين الشركة و الجمهور.
فأهميته بالغة و لا يمكن التهاون ابدا في صناعته وقد تحدثنا في موضوع سابق عن ماهو اللوجو ؟
ماهي طرق تصميم لوجو ناجح ؟
ما هي طرق تصميم لوجو ناجح ؟
هناك 5 طرق اساسية لصناعة اللوجو لا يخرج عنها اي لوجو هم
1-طريقة النصية :
ببساطة في هذه الطريقة يتم صناعة اللوجو عن طريق كتابة اسم الشركة مثل facebook.
2- طريقة رسومية :
و هذه الطريقة تتجرد تماما من الكتابة و يتم ترجمة مجال الشركة في شكل رسمة بكسل مثلا مثل لوجو apple.
3- طريقة حرفية :
و في هذه الطريقة يتم استخدام حرف او اكثر للتعبير عن هوية الشركة مثل hp حرفين مثلا أو حرف مثل m شعار ماكدونالدز.
4- طريقة الدمج :
و في هذه الطريقة يتم استخدام النصوص و الايقونات معا مثل لوجو twitter .
ماهي طرق تصميم لوجو ناجح ؟
اهم النصائح لتصميم لوجو احترافي
1- الاتساق :
يجب ان يكون اللوجو معبر عن مجال الشركة و الخدمات اللي توجهها او اسمها ف يجب عليك ان تجمع معلومات بشكل دقيق لكي يمكنك استخدامها في صناعة اللوجو.
2- الابتكار :
ابتعد عن الافكار المكررة و التقليد من شعار آخر اجعل شعارك مميز و فريد و غير مكرر و أيضا يمكنك الإطلاع على الشعارات الناجحة فى نفس المجال بهدف التعلم من الآخرين وإستلهام الأفكار وليس بهدف التكرار و التقليد الأعمى .
3 – عمل تصميم مبدئي للوجو :
و يفضل ان يتم ذلك من خلال ورقة وقلم و تقوم بعمل عصف ذهني و رسم اكثر من تصور للوجو و من ثم يسهل عليك اختيار أفضلهم فلا يمكنك ان تصنع لوجو جيد من خلال اول تصور فقط يبادر ذهنك.
– أحرص ان يكون اللوجو يمكنه استخدامه بكذا طريقة كالمطبوعات و استخدامه في وسائل السوشيال ميديا.
4- اختيار عناصر الشعار :
و يتم ذلك عن طريق اختيار عنصري
الخط font : حيث يجب عليك اختيار font يمتاز بالوضوح و البساطة حتي يسهل عليك اخراج لوجو اكثر احترافية.
الرمز icon : يفضل ان تختار رمز Vector حتي تحافظ علي جودة اعلي.
5- استخدام برامج التصميم
ماهي طرق تصميم لوجو ناجح ؟
هناك الكثير من برامج تنفيذ اللوجو و لكن ننصحك ببرنامج Adobe illustrator سيسهل عليك كثيرا تصميم اللوجو و يخرجها بجودة اعلي ف هو برنامج المصممين المحترفين لتصميم لوجو ناجح وقوي .
6-التركيز علي المعايير الأساسية لتصميم لوجو احترافي
عند اخراجك للوجو في صورته الاخيرة يجب ان تراعي الآتي و تراجع عليه
تصميم بسيط : يجب ان تحرص بشدة ان يمتاز اللوجو بالبساطة و عدم التعقيد والوضوح أيضا.
الخط : احرص علي استخدام نوع خط واحد او اثنين بحد اقصي.
الألوان: يجب أن تعبر عن الهدف و لا يكون تزاحم الوان.
صيغة اللوجو : اختار صيغة لا تتأثر بالتكبير و لا التصغير لذلك ننصحك
و في النهاية ننصحك اجعل لك شخصيتك في تصاميمك المختلفة اللوجو وغيره و توقيعك الذي يميزك عن غيرك.
هل تسألت من قبل عن ما هو اللوجو ؟ ما الذي يطرق ذهنك عند رؤية تفاحة ناقصة قطعة نعم بشكل تلقائي ستتذكر شركة أبل في حين ان قبل تأسيس الشركة كان يمكن ان تتذكر عند رؤية التفاحة انها مجرد فاكهة! كيف تحولت رسمة تفاحة ناقصة قطعة لعلامة ثابتة ( لوجو – Logo ) في عقول الكثيرين و مرتبطة بعلامة تجارية لانتاج اشهر هواتف و laptop و غيرها من المنتجات الالكترونية ، و كذلك ينطبق نفس الوضع علي حرف ال M عند رؤيته باللون الأصفر تلقائيا ستتذكر ماكدونالدز و لن تراه مجرد حرف مثل قبل .
كيف حدث كل ذلك و اصبحت للأشياء المجرده معني مختلف في اذهاننا ؟ انه قوة اللوجو و تأثيرة وسوف نتعرف فى ذلك المقال عنما هو اللوجو ؟ ؟
ما هو اللوجو – logo ؟
ما هو اللوجو ؟
تصميم اللوجو هو علامة بيانية أو رمز أو أي جهاز آخر يستخدم لتعريف شركة أو مؤسسة أو منتج أو علامة تجارية. قد يكون تصميمًا تجريديًا أو تصويريًا أو يتضمن نص الاسم الذي يمثله كما هو الحال في كلمة مرور.
السؤال الذي يحملة هذا المقال و الذي بالتأكيد بادر ذهنك مرة علي الأقل من قبل اللوجو هو شعار للشركة يعبر عن هويتها و يعرفها للجمهور في ابسط اشكالها من خلال علامة أو رمز معين أو توقيع.
و يتوقف تصميم اللوجو و شكلة حسب مجال الشركة و نوع المنتج و الجمهور المستهدف و كلما كان هناك معلومات أكثر كلما ساعد ذلك في صناعة لوجو جودته أعلي.
كل شخص منا له نمط معين في شكله و طريقته تسهل علي الناس التعرف علينا كذلك اللوجو بالنسبة للشركة ف هدفه الأساسي هو ربط الناس بالمشروع بشكل يسهل التعرف عليه و تذكره.
كما ذكرنا في المقدمة فقط حرف ال M كون رابط ذهني عندنا بماكدونالذ و كذلك اللوجهات المختلفة .
ما هو اللوجو – logo ؟
أشهر شعارات الشركات وما تحمله من معان :-
1- هناك تفاسير عدة لقصة logo أبل ، لكن التفسير الأقرب للواقع هو أن هذه التفاحة هي سوق التقنية في العالم، و الجزء الناقص على الجانب هي ما تمثله أبل للعالم! فأفضل وأول قضمة للتفاحة تأتي أعلاها، اي ابل افضل وجهه للناس.
2- لوجو اديداس ال 3 اشرطة المائلة تمثل الجبال و القمم و يوضح دور الشركة في تحقيق التحديات والأهداف التي يمكن تحقيقها بمنتجاتهم.
3- كارفور معناه في اللغة الفرنسية مفترق الطرق و يوضح اللوجو المعني هذا عن طريق سهمين في اتجاهين معاكسين و بينهما ظل ابيض يحمل حرف ال c.
الخلاصة
اللوجو logo هو تمثيل رسومي أو رمز لشركة أو مؤسسة أو منتج أو علامة تجارية. يتم استخدامه بشكل شائع في شكل علامة نصية ، وهو عبارة عن محرف أو علامة نصية ذات نمط فريد وغالبًا ما تكون اسم الشركة. يمكن أن يكون الشعار أيضًا صورة أو رمزًا مرتبطًا بالشركة.
الشعار هو تمثيل رسومي لاسم الشركة أو العلامة التجارية أو معلومات التعريف الأخرى. غالبًا ما يتم استخدامه على موقع الويب الخاص بالشركة ، والورق ذي الرأسية ، وبطاقات العمل ، والمنتجات. يمكن أن يكون الشعار بسيطًا أو معقدًا ، ولكن يجب أن يكون فريدًا ويمكن التعرف عليه وغالبًا ما يكون الشعار هو أول ما يفكر فيه الناس عندما يرون اسم الشركة. يمكن أن تكون أداة تسويقية قوية ، ويمكن استخدامها لخلق انطباع قوي ودائم. يمكن أن يساعد الشعار المصمم جيدًا الشركة على التميز عن منافسيها وإيصال هوية علامتها التجارية.
بعد ما بتتخرج و بتبدأ في رحلة البحث عن وظيفة و بعيدا عن إعلانات الشركات اللي بيكونوا طالبين خريجين جدد و بخبره سنتين ، بتلاقي دايما كلمة متكررة في معظم إعلانات الوظائف ان لازم عشان تتأهل للوظيفة دي انك تكون بتمتلك ” Soft skills المهارات الناعمة ” ، بتقف عندها و بتكون مش قادر تحدد ايه هو تحديدا المقصود بال ” Soft skills المهارات الناعمة ” و بتتضمن ايه لأنها كلمة ممكن تكون فضفاضة و عامة ، سواء انت خريج أو موظف أو حتي مدير احنا هنساعدك من خلال المقال ده انك تفهم أكتر معني مصطلح المهارات الناعمة و هنساعدك انك تكتسبها .
ايه معني ال Soft skills المهارات الناعمة ؟
المهارات بشكل عام بتنقسم قسمين ( hard skills – soft skills)
-المهارات القاسية hard skills : و دي اللي بتشمل الدراسات اللي درستها طوال حياتك في أي مرحلة عمرية و دي بتتميز بأنها يمكن قياسها انك تمتحن فيها نهاية كل عام و أن ليها ثوابت زي الرياضيات و الفيزياء و غيرهم.
-المهارات الناعمة soft skills : و دي بتشمل المهارات الحياتية و شئ معنوي غير مادي زي مهارات الإقناع أو التفاوض. أنواع ال soft skills المهارات الناعمة بتنقسم لمهارات كتير جدا هنذكر خلال المقال أهم 10 مهارات وجودهم هيصقلك بشكل كبير يؤهلك لمكانة أفضل سواء في حياتك العملية و شغلك أو علي المستوي الشخصي.
1- مهارات التواصل communication skills
مهم جدا انك تكون بتتواصل بشكل جيد مع كل اللي حواليك و بشكل فعال و ليس مجرد تواصل سطحي و عشان تنمي مهارات التواصل عندك في كذا طريقة لازم تجمع بينهم عشان تحصل علي أفضل نتائج الطرق هي :-
– الإنصات الفعال Active listening
فرق كبير بين السمع و الإنصات و عشان تكون منصت جيد مش مجرد مستمع لازم تكون سايب كل شئ بتعمله و بتبص بشكل مباشر للمتحدث يعني تكون معاه بكامل انتباهك و تركيزك. و كمان لازم تشارك اللي بيتكلم معاك في مشاعره بمعني انه لو بيحكيلك شئ مؤثر حصله لازم تظهر علي ملامح وجهك التأثر و تظهر تعاطفك يعني مينفعش شخص يحكيلك انه فقد وظيفته و تكون مبتسم او العكس انه يحكي شئ مفرح و تكون مش مبتسم.
– التواصل غير اللفظي non-verbal communication
و دي تاني طريقة هتساعدك في انك تتواصل بشكل جيد و دي باختصار = لغة الجسد. و دي بتشمل ” اتصال العين اثناء التحدث – تعبيرات الوجه – الهيئة – حركات اليد – اللمس) لازم توظف كل عنصر من اللي ذكرناهم في انك تشعر اللي بتحاول تتواصل معاه انك مشاركه مشاعره و كلامه. زي انك تركز في عينه و ده بيشعره بالاهتمام و التواصل بشكل أكبر ، أو تعبيرات الوجه زي ما ذكرنا في النقطه السابقة ، و هكذا.
– التواصل اللفظي verbal communication
و ده بيشمل :
-الكلمات المستخدمه في حديثك : لازم تكون واضحة و لا تحمل أكتر من معني. ” عندنا اجتماع خطير” خطير هنا ممكن شخص يفهم انه مهم و شخص يفهم إنه بيمثل خطورة فعلا. –الصوت : – تون الصوت سرعة الكلام أو البطء يعني عشان تتواصل بشكل جيد لازم تتكلم بنفس سرعة المتحدث إليك مش بسرعة أقل أو أكبر. – درجة الصوت و دي أداه مهمة في التواصل يعني ممكن تعلي صوتك في حالة رغبتك في زيادة التركيز و جذب الانتباه و كذلك خفض الصوت فتجبر الشخص يركز بشكل أكبر عشان يسمعك.
مهارة الإقناع مهارة صاحبها بيكون أكثر تأثيرا و نجاحاً من غيره ببساطة لأنه بيمشي مصالحه و بيحقق أهدافه برضا المحيطين بيه و بدون أي تصادم. و دي نصايح هتساعدك في انك تكون شخص مُقنع
– افهم اللي قدامك بشكل أكبر بالمصطلح الدارج “اشتري متبعش” بمعني انك تسمع اللي بتحاول إقناعه بشكل جيد متبقاش انت اللي بتتكلم لأنك لو فهمته كويس هتعرف توصل لأيه اللي ممكن يرضيه و يكون ده مدخلك.
– إيجاد أرضية مشتركة في الحديث دايما حاول توصل للشخص اللي بتحاول إقناعه إن تحقيقه لطلبك ده فيه مصلحة مشتركة ليكم بمعني” أنا بايع و أنت شاري و فية مصلحة مشتركة”
– متدورش علي مكسبك فقط و خسارة الشخص الآخر لأن ده هيخسرك الشخص و مكاسب كتير ممكن تحصل عليها منه في مقابل مكسبك المؤقت دايما اسعي لتحقيق مكسب ليك و للشخص الآخر. لو عاوز تطور مهارات الإقناع و تقرأ عنها بشكل تفصيلي هتلاقي مقال كامل عنها في البلوج.
3- مهارات القيادة leadership skills ( من Soft skills المهارات الناعمة )
و دي هنقسمها لجزئين صفات القائد و أسلوب القيادة
– صفات القائد
عشان تكون قائد جيد لازم يكون عندك بعض الصفات زي ( الرؤية – الإحترام – الالتزام – التطوير الذاتي المستمر – يمتلك الكاريزما)
– أسلوب القيادة
(السلطة – الحب – الاهتمام بالنتائج) لو عاوز تفهم أكتر عن القيادة و أنواعها هتلاقي مقال كامل عنها في البلوج.
4- التحفيز الذاتي self motivation ( من المهارات الناعمة )
دايما بتهتم الشركات بتواجد الصفة ي في الشخص اللي بيتقدم في أي وظيفة لأن ده بيعني انك شخص إيجابي و بتبص لنص الكوباية المليان و تصلح انك تكون قائد و كمان بيعكس صورة لإيمانك بذاتك و اهدافك. و ده أوقات بيكون صعب بس حاول دايما تستمد قيمتك من ذاتك مش من تشجيع الآخرين فقط.
5- المسئوليه responsibility ( من Soft skills )
تحمل المسئولية هي أول خطوات نجاحك علي جميع المستويات ، ده لأنك لو شخص مسئول هتكون مدرك لواجباتك و دورك ، و في حالة اخفاقك مش هتلقي اللوم علي الظروف و الأشخاص المحيطين بيك أو اللي شغاليين معاك دايما ، و بطبيعة الحال ده هيساعدك دايما في انك تطور نفسك بشكل أفضل لتجنب الفشل و بالتالي هتحقق كل مرة نتائج أفضل و ده اللي بتسعى أي شركة تواجده في موظفينها.
6- حل المشكلات problem solving ( من Soft skills )
حل المشكلات بيتطلب عده مهارات
– الذكاء العاطفي هو المفتاح اللي بيؤهلك لتنظيم و بالمصطلح الدارج “هندله “الضغوطات اللي عليه. – القدرة على التحليل و ده هيساعد في معرفة و توقع أسباب المشكلات و حلها أو تجنبها. – الإبداع و ده هيضمن إيجاد الشخص لحلول مبتكرة لأي مشكلة تطرأ عليه.
7 – العمل الجماعي team work ( من المهارات الناعمة )
عشان تمتلك المهارة دي لازم تعمل 3 خطوات *تجبر نفسك علي العمل مع أي شخص. *تقديم مساعدات لكل التيم. * إدراكك لمعني إنكار الذات.
8- اتخاذ القرار decision making ( من المهارات الناعمة )
و دي بتتضمن إتخاذك قرار مع معلومات ناقصة بدون تسرع و بتمهل لتمكنك من اتخاذ قرار سليم.
9- تنظيم الوقت time management ( من Soft skills )
بأختصار هي عملية ترتيب أولويات للأمور المهمة العاجلة و استغلال باقي الوقت للمهام الأقل أهمية و هكذا.
10- المرونة flexibility ( من المهارات الناعمة )
الشخص المرن هو الشخص اللي بيتقبل تغيراته الحياتية و تغيرات الآخرين في الآراء عنه و التكييف مع ذلك.
ما الفائدة وراء إكتسابك للمهارات الناعمة ؟
بعد ذكر كل المهارات دي ممكن تسأل نفسك طب ايه الاستفادة ؟
ببساطة دراسة اتعملت في جامعة هارفارد أكدت ان 85٪ من نجاحك في شغلك متوقف علي مهاراتك الناعمة soft skills و فقط 15٪ متوقفة علي دراستك و عملك الفعلي! و الي جانب تأثيرها الواضح جدا اللي هينعكس علي حياتك الشخصية في حاله اكتسابها .
لو أنت صاحب شركة أو بتفكر في تأسيس مشروعك الخاص فبالتأكيد المقال ده ” 10 نصائح لتسويق ناجح ” هيساعدك كتير في تحقيق تسويق أفضل لشركتك و كسب ارضاء العميل
التسويق الإعلامي كلمة كبيرة و عامة يندرج تحتها طرق كتير و استراتيجيات و أنواع زي (traditional marketing – digital marketing) و غيرهم من الأنواع المختلفة بس أيا كان نوع التسويق اللي بتتبعه و أيا كان نوع منتجك أو الخدمة اللي بتقدمها هناك بعض الحيل و الطرق التسويقية اللي مش هنختلف عليها وعلى دورها وقدرتها على تحقيق النتائج المنشودة والأهداف المرجوة وخاصة فى تسويق المشروعات الحرة .
10 نصائح لتسويق ناجح
10 نصائح لتسويق ناجح
وتلك النصائح هى :-
1- القيادة leadership
على عكس السائد مش هنصحك انك تكون الأفضل دائما في السوق و تقدم دائما الأفضل رغم أهمية ده اللي منقدرش ننكرها بس مش دايما ده اللي ممكن يميزك ، التميز الحقيقي ممكن يجي بطريقة أسهل كتير و أقل تكلفة و هي عن طريق أنك تكون قائد فى مجالك بمعنى إن تصدرك لفكرة أو منتجك ده هيسوقك بشكل تلقائي زي مثلا شركة أورانج “موبنيل سابقا” تصدر المهندس نجيب ساويرس لفكرة وجود أول شبكة اتصالات في مصر الفكرة نفسها سوقت نفسها علي عكس مثلا فودافون أو اتصالات اللي احتاجوا مجهود أكبر في التسويق الخلاصه ان تميز فكرتك و قيادتك لها هو اللي هيسوقك تلقائي.
2- التصنيف category
لو النقطة السابقة دي” القيادة” متحققتش مفيش مشكلة النقطة دي هتحلها لك و هي “التصنيف” خلي عندك سبق بتصنيف جديد تضيفه في السوق زي مثلا محل 1 pound shop الشهير في لندن بالتأكيد هو مش أول ماركت في السوق الإنجليزي و لكن هو تميز ببساطة شديدة بسبب انه عمل لنفسه تصنيف جديد تماما يميزه.
3- موجود في عقل الناس keep in mind
خليك دايما منتجك هو محور حديث للناس بمعنى انك دايما تكون شاغل عقلهم لأن هو ده المفتاح اللي هيسوقك دايما زي مثلا شخص زي عمرو دياب هو يصدر ألبوم واحد بس في السنه و مع ذلك هو طول السنة في عقل الناس اما عن طريق الحفلات أو حتي اخباره و ده أحد عوامل استمراريته.
4- التركيز focus
ركز إن يكون لشركتك شعار أو جملة خاصة بيها بتتقال دايما في إعلاناتها لأن ده هيخلي الناس تكون رابط ذهني عند الناس بين الشركة و المقولة مثلا فودافون شعارها هو “القوة بين ايديك” فالناتج الطبيعي ان لما حد يفكر في شبكة قوية هيجي في باله فودافون نتيجة تكوين رابط ذهني في اللاوعي أن القوة هي فودافون.
10 نصائح لتسويق ناجح
5- التقسيم division
أعمل دائما علي زيادة التقسيمات في منتجاتك أو شركتك و ده هيسيب انطباع عند الناس انك بتوفره كل اللي هتحتاجه و عندك تنوع و هيخليه دائما يتعامل معاك. زي مثلا لو عندك محل موبايلات ف لو هتتبع النصيحه دي هتخلي عندك قسم للسامسونج قسم للأيفون و هكذا.
لو عندك شركة متخصصة في إنتاج منتج معين لو هتنتج منتج غيره غير اسم المنتج الجديد لأن غالبا تقييم الجمهور لمنتجك الجديد لو سئ هيأثر بالسلب على منتجك القائم بالإضافة ان الجمهور من الممكن عدم تقبله لمنتجك الجديد نتيجة اعتياده ان اسم المنتج مرتبط بنوع منتج معين.
7- الصراحة candor
انك تصرح بعيوب منتجك ده لصالحك علي عكس المعتقد لأن ده هيكسبك ثقة الجمهور و التعاطف. زي غسول الفم listerine السلوجن بتاعهم هو the taste you hate twice a day. الطعم اللي بتكرهه مرتين يوميا مصارحة الشركة بعيوب منتجها و استخدامه بشكل ذكي أدى لزيادة الثقة و أرباحها لم تتأثر بالسلب بالعكس.
8- المبالغة hype
ابتعد تماما عن المبالغات سواء ببناء طموحات عالية أو وعود زائفه تفقد العميل ثقته فيك عند التجربة ، أو بزيادة الاعلانات بشكل مبالغ فيه.
9- الموارد resources
الموارد مش أهم حاجة في حالة وضعك خطة استراتيجية جيدة.
10 نصائح لتسويق ناجح
10- الثنائية duality
في الغالب في أي مجال بيكون فيه ثنائيات مسيطرين عليه زي مثلا بيبسي و كوكاكولا أو ماكدونالدز و هارديز من الذكاء اتحاد الثنائيات و عدم وجود حرب بينهم و غلق السوق عليهم لمواجهة ظهور أي منافس آخر. يعني لو في مجالك فيه منافس واحد قوي كون معاه ثنائي بدلا من محاربته وهذا يعزز من فرص نجاح عملية التسويق .
. و دي كانت النصايح ، بنضمنلك تطوير مستمر و زيادة ربحية في حال اتباعك النصايح دي
فن الإقناع كتير مننا بيقع في مشكله بسبب عدم امتلاكه لمهارة الإقناع و فن الإقناع persuasion سواء علي المستوي الشخصي أو علي المستوي العملي ، قد تكون بتمتلك الكثير من المهارات و الأفكار الابداعية و أفكار لمشروعات اللي في حال موافقه عميلك عليها بترجع بفايدة كبيرة سواء ليك أو للعميل لكن الأمر بيتوقف للأسف بسبب عدم قدرتك علي إقناعه.
و لكن عدم امتلاكك لها الآن لا تعني بالتأكيد عدم قدرتك علي الحصول عليها أبدا ف كما ذكرت فن الإقناعمهارة و المهارات بتكتسب من خلال بعض الاستراتيجات البسيطة و تفعيل بعد المبادئ اللي بسهولة جدا هتوصلك لأقناع غيرك بما تريد و بالتالي تحقيق طموحاتك و اهدافك .
فن الإقناع persuasion
مبادئ فن الإقناع
1- بادر Do favor
في حالة ان عميلك محتاج تقنعه بشراء منتج جديد تقدمه شركتك أبدا إنت ان تقدم له عرض أو خصومات كبيرة علي المنتج الاعتيادي اللي بيقوم بشرائه ثم قم بالعرض عليه المنتج الجديد، و غيرها من الحيل و الهدايا اللي بتكون هيئت عميلك للموافقة.
2- قدم اختيارات Give chooses
قم بحصر الاختيارات في اختيارين و الاتنين يقوموا بتحقيق هدفك مثلا في حاله رغبتك ان يأكل أولادك اللحمه اعرض عليهم الاختيارات الآتيه تأكلوا (قطعة لحمة – قطعتين لحمة) لا تضع في الاختيارات الرفض من الأساس حتي لا تهيئ العقل الباطن للرفض.
في علم النفس بيقول انه من الصعب ان البني آدم يرفض طلبين متتاليين بمعني انه لو قام برفض طلب الطلب التالي سيقوم بالموافقة عليه لأن رفضه المتتالي بيشعر الشخص بالأحساس بالذنب. لذلك في حال مثلا انك تريد اجازه من الشغل لا تبدأ بالعرض علي مديرك فكره الاجازه ابدأ بعرض عليه فكره زياده الراتب سيقوم في الغالب بالرفض في ذلك الوقت قم بعرض فكره الاجازة. و دي نفس الفكره اللي بتستخدم في التخفيضات لما بيكون لاغينا سعر ال 100 و كاتبين 50 جنيه هو سعرها في الاصل 40 جنيه بس فكره انه خادمك ده بيحسسك انك كسبان و بالتالي بتوافق علي العرض و تشتريه.
4- الوقت و المكان location and time
اختيار الوقت و المكان المناسبين من أهم العوامل للأقناع زي مثلا لما تخرج مع شخص معجب بيه في مكان هادئ و هو باله مرتاح و تعرض عليه عرض الزواج في الغالب هيوافق عكس مثلا لما يكون الوقت و المكان مش مناسبين. لو هنطبق المبدأ ده علي المستوي العملي لو شغال في بنك و عاوز عميلك ياخد قرض هتختار وقت يكون هو رصيده قل و في احتياج مادي أو داخل مشروع جديد.
5-كلمه نعم yes latter
اسأل الشخص اللي بتحاول اقناعه 3 اسئله عارف ان اجابتها نعم مثلا انت اسمك محمد ؟ انت عندك 40 سنه ؟ شغال محاسب ؟ و بعدها اعرض طلبك في الغالب العقل الباطن هيكون متأهل و كلمه نعم بتفتح مجال للموافقة في العموم للي هيجي بعدها.
فن الإقناع persuasion
6- تواصل العين eye contact
التقاء العيون اثناء الكلام تفصيله بسيطه و لكن لا يستهان بيها أبدا في الإقناع لأنها بتخلي فيه تواصل أكبر و ارتياح للكلام اللي بيقال و إعطاء اهميه للشخص. 80٪ من وقت الكلام لازم العيون تكون متواصله و الحفاظ على الابتسامه طوال الوقت.
7- تأثير الكلمات power of words
حافظ دايما علي انتقاء الكلمات مع الشخص اللي محتاج تقنعه بفكره زي انك تنده بأسمه أو لقبه المفضل لأن ده هيشعره بالقرب منك و الالفه و هيشعره بالارتياح.
8- استخدام صيغه الجمع
زي انك تقول عاوزين نعمل الحاجه دي عاوزين نروح المكان ده ده بيشعر الشخص اللي بتحاول تقنعه انه شريكك في الأمر اللي بتحاول تقنعه بيه و بالتالي هيوجدلك حلول و هيساعدك و يقدملك اللي محتاجه منه.
9- استخدام كلمه عشان power of word because
زي انك تقول للشخص اللي عاوز تقنعه أنا عاوز اشتري البيت ده عشان أتجوز فيه أو انك تقول ممكن اقف مكانك في الطابور عشان بنتي نايمه لوحدها في البيت. بعد كلمه استخدام كلمه عشان العقل الباطن بيكون مرتاح عشان وجد سبب و مبرر يعني بمعندوش شعور انه اتضحك عليه بالعكس لأنه وجد المبرر.
فن الإقناع persuasion
10- إظهار التعاطف
و غالبا بيتم استخدام الاليه دي في حاله انك تريد استخدام فن الإقناع لغيرك بأنه يقوم بتصرف معين زي انك تقول أنا لو مكانك هشعر بنفس الشعور بالظبط… بس هعمل كذا. نصف الجمله الأولى هيخليه بنسبه 80٪ يقوم بالتصرف اللي انت قولتله هعمله لأنك اظهرت تعاطفك معاه و الرغبه في مساعدته و انك مش ضده بالعكس.
أخيرا بنضملك إذا قمت بالمبادئ اللي ذكرناه بشكل متكرر و مع أشخاص مختلفه انك تكتسب مهارة الإقناع و تصبح جزء من شخصيتك و مهاراتك
لطلب خدماتنا التسويقية احصل عليها من المتجر او تواصل معانا
