تصميم موقع لتجارة الورق الحراري “موقع بردي” – Case Study
اليوم هنتكلم عن تحدي جديد ( تصميم موقع لتجارة الورق الحراري ) اخد ممنا فى شركة تسويق دوت ديزاين مجهود كويس وميزة التحديات انها بتساعدنا علي اننا ننتظر لمشروع بشكل اعمق شويه من التفاصيل اللي بناخدها من العميل بجانب انها بتساعدنا علي اظهار روح ابداعية مختلفة شوية .. تحدي اليوم عن مشروع تصميم موقع بردي لتجارة وتصنيع الورق الحراري وبكر الكاشير والباركود والميزان.
التحدي اللى وجهتنا فى تصميم موقع لتجارة الورق الحراري “موقع بردي”
موقع بردي اول متجر الكتروني في العالم متخصص في بيع وشراء البكر الحراري
شركة بردي هي شركة متخصصة في تصنيع وتوريد الورق الحراري وبكر الكاشير والباركود . خلينا نحكيلكم عن الـ *Challenge* وهو
ان مفيش اي مرجع نقدر نرجعله واحنا بنصمم الموقع وهنا مش بنتكلم عن البلاتفورم نفسها اللي هنشتغل عليها لأ مش عارفين تجربه العميل نفسها هتبقي ازاي .. طيب المحتوي هيكون ايه ومكانه فين ؟ طيب هو اصلاً هينفع العملاء يشتروا بكر الكاشير اونلاين؟
اسئلة كتيره كانت بتدور بين الفريق . حتي ازاي هتقنع عميلك اللي هو بالنسبه ليه تجربه الاونلاين جديده انه اصلاً يقتنع بمنتجك اللي هو بالمناسبة مش ارخص سعر .
الحلول المقترحة لـ تصميم موقع لتجارة الورق الحراري
بعد مناقشات كبيره وحلول تم طرحها وصلنا لطريقين هنختار واحد منهم :-
١- اننا هنشوف مثال قريب ليه في المجال او شركة بتقدم الخدمة بشكل مماثل او لنفس العميل المستهدف ومنه نقدر نستخلص رحلة العميل .
ملاحظة :-
لسوء الحظ مكنش فيه وقتها .. معظم التجارب اللي قابلتنا ان العميل بيتصل بالشركة سواء الهاتف او الواتساب ويقوم بعمل الطلب الخاص به.
٢- اننا نبدأ من الصفر ونصمم صفحات الموقع ونحط خطوات العميل تحت الميكرسكوب ونطور منها اول بأول.
التنفيذ
اختارنا الحل التاني ( علي الرغم من صعوبته ) الا ان المصلحة العليا كانت بتقتضي فعل ده
بدأنا في التخطيط للموقع من حيث عدد الصفحات وعدد قطع المحتوي اللي هيتم استهلاكها من خلال العميل
تم انتاج اكثر من ٧٠ قطعة محتوي لعدد ١٨ صفحة في الموقع بين صفحات رئيسية هيزورها العميل وبين صفحات تانيه داعمة بمحتوي مقنع
وفي المرحلة الثانيه من التطوير تم اضافة محتوي لوصف المنتجات يزيد من اقناع العميل بالمنتج وبتفاصيله اكثر.
النتيجة النهائية
هنقسم نتيجة تصميم موقع لتجارة الورق الحراري “موقع بردي” اللي حصلنا عليها لجزئين
-
جزء علي صعيد المبيعات :-
بعد اول وثاني كامبين تم زيادة المبيعات بنسبه ٤٤٪
-
جزء علي صعيد الوعي بالشركة :-
اصبح موقع بردي اول واكبر موقع لتجارة وتوزيع الورق الحراري في مصر والشرق الاوسط واصبح المرجعية لباقي المواقع في التصميم وصياغة المحتوي المقنع للعميل
الاستنتاج
بالرغم من التحديات التى واجهتنا فى تصميم موقع لتجارة الورق الحراري “موقع بردي” ، أثبت بردي أنه قادر على تحقيق الاستثنائي من خلال استراتيجية قوية وتصميم يأسر الألباب واجتذبوا العملاء بتجربة تسوق ملهمة وأصبحوا روادًا في صناعتهم بفضل رؤيتهم وإلهامهم.
