ايه هو الفرق بين صفحات الهبوط والـ Sales Funnels ؟ كتير ما بنسمع مصطلح Sales Funnels او Marketing Funnels ونبقي مش عارفين بينها وبينهم وبين صفحات الهبوط اللي اتعرفنا عليها في مقالات سابقة. ففي المقالة دي هنستعرض معاكم الفرق بين صفحات الهبوط والـ Sales Funnels بشكل يساعدك علي استيعاب الفرق بينهم
الفرق بين صفحات الهبوط والـ Sales Funnels
جدول المحتويات
ماهي صفحات الهبوط؟
صفحات الهبوط ببساطة شديدة هي مجموعة صفحات الويب اللي تم تجهيزها سابقاً لتحقيق هدف معين زي جمع البيانات او بيع منتج معين او عرض معلومات ايفينت وتقدر تعرف اكتر عنها من خلال مقالة الملخص المفيد في صفحات الهبوط – Landing Pages
ايه هي الـ Sales Funnels او Marketing Funnels ؟
الـ Sales Funnels او Marketing Funnels هي عبارة عن مجموعة المراحل اللي بيمر بيها العميل علشان يحقق هدف الكامبين سواء كان جمع بيانات عملاء محتملين او اتمام عملية شراء او غيره واساس نجاح عملية الماركتينج فانل هو عقليتك وفهمك لمراحل اللي هيمر بيها العميل بداية من مرور العميل بمرحلة الوعي بالمنتج او الخدمة نهائية باتمام هدف الحملة.
نيجي بقي للسؤال المهم :-
ايه الفرق بين صفحات الهبوط والـ Sales Funnels ؟
الفرق بينهم ان الماركتينج فانل او السيلز فانل هي عقلية او اسلوب تفكير علشان يوصلك لتحقيق اهداف الحملة اما الصفحات الهبوط هي الادوات وصفحات الويب اللي ممكن تستخدمها في تحقيق هدف الحملة.
الفرق بين صفحات الهبوط والـ Sales Funnels
هل يمكن عمل Marketing Funnels بدون الحاجة لصفحات الهبوط ؟
نعم يمكن عمل Marketing Funnels بدون الحاجة لانشاء صفحات الهبوط وهندي مثال علي كده :-
١- اننا ممكن نبني الكامبين بتاعتنا كلها داخل الفيسبوك مثلا من خلال البدء في الاول بفيديو وعي عن الخدمة اللي بنقدمها ويليه مجموعة اعلانات عن صور وتفاصيل اكتر عن الخدمة واراء عملائنا ثم الانتهاء باعلان ليد جينريشن او رسائل لتسجيل ارقام العملاء والتواصل معهم.
٢- نقوم بعمل كامبين عن ايفينت معين او مؤتمر هيتم عقده في موعد معين هنقوم بالانشاء الايفنت علي الفيسبوك والترويج له والترويج بعده منشورات اخري عن الاهداف المؤتمر ثم ان المهتم هيقوم بالحضور للمؤتمر
وغيره الكثير من الامثلة عن الحملات الاعلانية اللي بتقوم بيها المطاعم والمولات وغيرها اللي مش من الضروري فيها انشاء صفحات هبوط.
الفرق بين صفحات الهبوط والـ Sales Funnels
متي اقرر انشاء صفحات هبوط لحملتي الاعلانية؟
اجابة السؤال ده اختلف فيه الكثير من فقهاء التسويق منهم اللي بيشوف انها ضرورية جداً لكل حملة اعلانية لاسباب كتير منها انها بتفلتر العميل المهتم وبتعلي من كوالتي العميل ومنهم اللي بيشوفها من ضرورية واستخدامها ممكن يفيده بس بلاش نكلف عميلك زياده ( تكلفة انشاء وتشغيل ) لكننا من مدرسة ان شوف طبيعة العميل المستهدف هل وعيه يتناسب مع انه يدخل صفحة هبوط ويقرأ ويسجل بياناته او يشتري ولا صعب شويه لان الهدف الاساسي من الحملة هو تحقيق الهدف فانت بتشوف اللي هيسهل عليك تحقيق الهدف .. لو صفحات الهبوط هتكون مناسبة ابدأ في انشائها لكن لو مش هتكون مؤثره عليك يبقي بلاش منها المهم الهدف الاساسي يتحقق.
الخاتمة
ولحد هنا نكون جاوبنا باختصار كبير عن الفرق بين صفحات الهبوط والـ Sales Funnels ودلوقتي بقي عندك العقلية اللي تقدر من خلالها تفرق بين صفحات الهبوط والـ Sales Funnels وبين امتي اقرر انشاء صفحات هبوط وامتي لأ