اتكلمنا في المقالة السابقة الملخص المفيد في صفحات الهبوط – Landing Pages  عن ماهي صفحات الهبوط Landing Pages ؟ و عن استخدامات صفحات الهبوط وسبق ايضا وتحدثنا عن تجنب اخطاء في صفحات الهبوط والفرق بين صفحة الهبوط وبين صفحات باقي الموقع وفي المقالة دي هنتكلم بشكل مستفيض عن ادوات صناعة صفحات الهبوط والفرق بينها وبين البرمجة الخاص واشهرها سواء كانت مجانية او مدفوعة وكيفية ربطها مع ادوات التتبع للاعلانات وتحليل سلوك المستخدم لتحسين عمليات البيع وجذب العملاء للنشاط التجاري.

الفرق بين ادوات صناعة صفحات الهبوط والبرمجة الخاصة

ربما مش هتلاحظ فرق جوهري ظاهري بين الاتنين اثناء تصفحك لاحدي الصفحات المصممة سواء من خلال مبرمج او اداه لان في الاخر هناخد من الاتنين صفحة مصممة ومكوده لكن ليه الغالبية بيلجأ لادوات صناعة صفحات الهبوط وليس للبرمجة الخاصة؟

١- الادوات سهلة في الانشاء والتعديل :-

من خلال الادوات اذا اردت تعديل شئ علي الصفحة سواء صوره او محتوي او حتي حذف قسم تقدر تعمل ده بسهوله لان معظم الادوات دي معتمده علي تقنية السحب والافلات مما يسهل من الانشاء والتعديل بجانب وجود عدد ضخم لكل اداه من الشروحات سواء علي اليوتيوب او علي موقع الاداه حتي يكون من السهل عليك انشاء الصفحة.

٢- السرعة في الانشاء :-

تقدر في اقل من نصف ساعة انشاء صفحتك وبدأ حملتك الاعلانية عليها .. ايوه ده حقيقي لان ببساطة شديدة تقنية السحب والافلات مش هتحتاج تبدأ في برمجة الصفحة من الصفر فبالتالي تقليل من الوقت المستخدم في كتابة الكود.

٣- قوالب مضمونة :-

الفكر الاساسي لتلك الادوات هو تسهيل عملية وجود صفحات الهبوط علشان كده هتلاقي مع كل اداه مكتبة كبيره من الصفحات والقوالب الجاهزة علشان تختار منها القالب المناسب لمشروعك وتبدأ بالتعديل عليه والجدير بالذكر انك هتلاقي ( في معظم الادوات دي ) قوالب مجربه سابقاً من حيث التحويل بمعني انك هتشتغل علي قوالب جاهزة ومصممه بحيث تجيبلك اعلي عوائد فيفضل انك لو مش علي دراية كبيره بتجربه المستخدم انك تعدل بس في المحتوي بدون حذف او اضافة او تغيير في اماكن السكاشن في الصفحة.

٤- سهولة اضافة اكواد التتبع :-

من السهل جدا في تلك الادوات اضافة اكواد التتبع الخاصة بالاعلانات زي فيسبوك وتيك توك وتويتر بيكسل وادوات تتبع المستخدمين مثل Google analytics , Hot Jar وغيره حيث انه يوجد مربع في الاعدادات كل ماتفعله فقط هو اضافة الكود في المربع ويتم التفعيل.

٥- سهولة عمل A/B Testing :- 

الـ A/B Testing هو اختبار متغييرين في الصفحة بهدف الوصول لافضل نتيجة فمن خلال تلك الادوات تستطيع بسهوله عمل الاختبار لاي متغيرين في الصفحة سواء زر او لون او صوره او عنوان وتحصل علي النتيجة بسهوله لتحسين نتائجك وزيادة ارباحك.

٦- سهولة الربط مع Email Autoresponder :-

سواء كان هدفك من انشاء الصفحة البيع بشكل مباشر او جمع بيانات العملاء المستهدفين فهتحتاج لجمع الايميلات وعلشان تكون اسهل عمليه جمع الايميلات مع انظمة التسويق من خلال البريد الالكتروني تم دعم تلك الصفحات مع معظم واشهر ومقدمين خدمات التسويق عبر البريد حتي يسهل جمع الايميلات واضافتها في قوائم خاصة بدون تضييع وقت في جمعها يدوياً وارسال الحملات.

وغير ذلك من الاختلافات ودلوقتي بقي عندك صوره واضحة ايه اللي هتقدر تضيفه ليك صفحات الهبوط عن الاستعانة بمبرمج .. ان اخذت فقط منها السرعة في الانشاء والتعديل فقد فزت ( وقتك من ذهب ) 🙂

اشهر ادوات صناعة صفحات الهبوط المجانية

خلينا بقي هنا نذكر اشهر ادوات صناعة صفحات الهبوط Landing Pages المجانية ونبذه سريعة عن كل منها :-

• HubSpot Marketing Hub.

HubSpot Marketing Hub هو من اشهر برامج تسويق الشركات ويوجد به خطة مجانية بتمنحك الأدوات اللازمة لتنمية أعمالك بسهولة. باستخدام HubSpot Marketing Hub تقدر تقوم بإنشاء صفحات هبوط جميلة ودمجها مع حملات بريد إلكتروني ومنشورات على وسائل التواصل الاجتماعي وتحسين نسب التحويل بها. بالإضافة لمميزات التتبع وإعداد التقارير في HubSpot، بجانب احتواء الموقع علي اكاديمية كبيره لتعليم التسويق وصناعة المحتوي وكل ماتحتاجة لنمو عملك علي الانترنت.

• Systeme io

Systeme.io هو عبارة عن نظام أساسي قوي متعدد المهام بيمنحك كل ما تحتاجه لنمو شغلك علي الإنترنت. فبيمكنك من إنشاء صفحات هبوط جميلة و إدارة عملائك ومبيعاتك ، بجانب انه به خطة مجانية. بجانب دعمة لخدمات البريد الإلكتروني وارسال عدد لانهائي من الايميلات شهرياً و يساعدك علي بناء Sales funnels ويمكنك أيضًا إدارة عملائك ومبيعاتك بسهولة وانشاء مدونة ونشر مقالاتك عليها وعمل A/B tests وغيره من المميزات الرائعة .. انصحك باستخدامه 🙂

• Elementor ( WordPress )

Elementor هو plugin إضافي مجاني للـ WordPress يجعل من السهل إنشاء صفحات هبوط جميلة. باستخدام Elementor تقدر بسهولة عمل صفحات رائعة دون الحاجة إلى اي كود كل اللي عليك سحب العناصر اللي محتاجها وإفلاتها وهتكون الصفجة جاهزه للشغل. بجانب دعمها الكثير من القوالب المجانية المتاحة لمساعدتك على البدء.

• Mailchimp All-in-One Marketing Platform

تعتبر Mailchimp من اشهر واقدم منصات التسويق عبر البريد والاوتوميشن عبر التاريخ بتساعد الشركات الصغيره علي عمل اشياء تسويقية كبيرة من خلال مجموعة من الادوات اللي بتقدمها اللي من ضمنها ادوات صناعة صفحات الهبوط اللي بتساعدك من خلال ميزة السحب والافلات انشاء صفحات هبوط في ثواني وتقديم قوالب جاهزة للاستخدام بشكل مباشر وربطها مع نظام الاوتوميشن وتكاملها مع اكتر من ٣٠٠ برنامج تسويقي وتحسين تجربة المستخدم وبها برنامج يساعدك علي تحسين الصور وضبط الالوان وغيره.

اشهر ادوات صناعة صفحات الهبوط المدفوعة

• Leadpages

Leadpages من اشهر ادوات صناعة صفحات هبوط القوية اللي هتسهل عليك إنشاء صفحات جميلة وعالية التحويل في دقائق. فمن خلال Leadpages ، تقدر بسهولة إضافة فورم الاشتراك وأزرار الكول تو اكشن وعناصر تانية إلى صفحاتك لزيادة المبيعات. بالإضافة إلى ذلك ، يوجد تكامل كبير في Leadpages مع مجموعة متنوعة من منصات التسويق عبر البريد الإلكتروني والندوات عبر الإنترنت والتجارة الإلكترونية ، مما يجعل من السهل جذب العملاء المحتملين وزيادة المبيعات.

• Unbounce

تهدف Unbounce لتسهيل على المسوقين إنشاء ونشر واختبار صفحات الهبوط من اجل زيادة المبيعات والحصول على نتائج أفضل من حملاتهم. بيوفر النظام الأساسي لـ unbounce كل ما تحتاجه لإنشاء الصفحات وتحسينها وتتبعها ، بما في ذلك:-

– محرر سحب وإفلات متميز يتيح لك إنشاء صفحات الهبوط دون أي مشاكل.
– أكثر من 100 قالب للصفحة مصممة بشكل احترافي للاختيار الانسب للبيزنس بتاعك.
-اختبار A/B وتتبع التحويل علشان تتمكن من تحسين نتائجك باستمرار.
– التكامل مع معظم أدوات التسويق والتحليل الرئيسية علشان تتمكن من تحقيق أقصى استفادة من حملات التسويق الخاصة بك.

• Clickfunnels

Clickfunnels سهلة الاستخدام وبتوفرلك كل ما تحتاجه لإنشاء مسارات مبيعات فعالة. بتوفرلك مجموعة متنوعة من القوالب والتصميمات لإنشاء مسارات التحويل لمنتجاتك . بجانب انها بتيح ليك تتبع نتائجك حتى تتمكن من رؤية ما يعمل وما لا يعمل. تأسست في عام 2014 من قبل راسل برونسون ، وهو أيضًا مؤلف كتاب DotCom Secrets.

• Convertkit

ConvertKit هي أداة تسويق عبر البريد الإلكتروني مصممة خصيصًا للمدونين المحترفين والمؤلفين والمبدعين. بتتميز بسهولة الاستخدام بجانب انها هتساعدك علي انشاء صفحات هبوط بسهولة وتكون مرتبطة بمجموعة ادوات مميزة مثل جمع الايميلات وتصنيفها و استخدام الأتمتة فتعطيك قوه كبيرة بسبب التكامل الكبير بها.

• Divi ( WordPress )

يعتبر Divi  من أكثر اضافات WordPress شيوعًا في العالم. يستخدمه أكثر من نصف مليون مستخدم . ويتم استخدامه من خلال نظام الـ WordPress فهو يساعدك علي بناء صفحات هبوط جميلة وعالية التحويل والمبيعات. فمن خلال Drag & Drop Builder  تسهل انشاء صفحات الهبوط. بجانب انه بيجي مع Divi أكثر من 100 قالب للصفحات جاهزة للاستخدام وتقدر تعدل فيها بشكل اللي يناسب شغلك وتقدر تضيف اكواد مخصصة لتسهيل عملك وتحسين نتائجك.

ربط صفحات الهبوط Landing Pages مع ادوات التتبع

ذكرنا في الجزء في الاعلي ان من مميزات ادوات صناعة صفحات الهبوط Landing Pages انها بتتيح ليك بسهوله ربط ادوات التتبع بالصفحة لتسهيل عملية تحسين النتائج فهنوضح هنا بسكرين شوت ازاي الادوات دي بتسهل علينا اضافة الاكواد :-

من اداه دوت شات بوت

في الجزء دا من الاعدادات بيظهر لينا ان كل ماعليك فعله لاضافه اكواد التتبع انك تضيف الـ ID وبس سواء للـ Facebook Pixel code او Google analytics ID او Google tag manger وبس 🙂

اداه Divi ( WordPress self hosting )

يعتبر ديفي سواء them or plugin من افضل منشئي صفحات الهبوط Landing Pages علي الوردبريس واضافة اكواد التتبع به سهلة ولكن ليست كأداه دوت شات بوت لصفحات الهبوط

 

كما تري هنا انه كل ما عليك فعله انك تضيف فقط الكود في المكان المخصص له سواء في الـ Head او الـ Body وسيتم تفعيل التتبع بسهولة بس كن حريص علي وضع الاكواد كاملة وفي مكانها سواء في لـ Head او الـ Body.