سألت نفسك قبل كدة ليه في بعض الشعارات بتتكلف تكلفة بسيطة وشعارات تانية بتتكلف آلاف الدولارات ؟ في المقالة دي هنبص على اللوجو من وجهه نظر بيزنس مش من وجهه نظر تصميمية وهنتكلم ونتناقش في ليه لوجو بيتكلف المبالغ دي وازاي نشوف ونقيس العوائد اللي بترجع للبيزنس من خلال اللوجو تقدر تعرف اكتر عن ماهو اللوجو من هنا
جدول المحتويات
ليه اعمل لوجو لنشاطي التجاري؟
وانت بتاسس نشاطك التجاري بيجيلك سؤال ويفضل يراودك كتير ليه اعمل لوجو؟ هو مهم من الاساس للعملاء؟ هيزود مبيعاتي ؟ وهنا جمعنالك في نقاط ليه محتاج وضروري انك تعمل لوجو لنشاطك التجاري
١- إنه أساس هوية علامتك التجارية
فتصميم اللوجو بيكون مبني علي فكرة قيام البراند وشرح القصة بشكل بسيط بيكون ملخصة في شكل اللوجو بجانب ان تصميم اللوجو بيقوم عليه باقي تفاصيل البراند من حيث الرؤية البصرية ونقصد هنا
- الألوان
- الخطوط
- صوت البراند
تصميم اللوجو أساس هوية علامتك التجارية
ففي الصوره بيبان فرق التصميم في ٣ حالات فكل حالة من دول تحس انها بتخاطب فئه مختلفة بأهداف مختلفة.
٢- مميز عن باقي المنافسين
خلي اللوجو مختلف كل ماكان مميز اكتر كل ما هيديك ثقل اكبر بين المنافسين لو بصينا علي الصوره دي
هنلاقي ان في شعارات كتير لمقاهي وبتدور حوالين فكرة حبه القهوة لكن المميز في اللوجو اللي تم اختياره ان اللون الاخضر مع فرع الشجرة بيوحي بان حبة البن طازجة وان الكافية دائم العمل ومستمر و هتحس بداخلك ان المقهى ده مميز ولو بصيت علي الشعارات اللي جنبه هتلاحظ انهم مكررين مع انهم مش نفس التصميم لكن الشعور اللي جالك ده من عدم البناء علي قصه البراند نفسه.
٣- بيفضل في ذاكرة متابعينك
لما صديق ليك يقولك اسم براند اشتري منه اكل او لبس وتيجي تعمل سيرش عنه بسبب تشابه الاسماء اللي وارد يحصل لما بترجع لصديقك تسأله اول حاجه عن شكل الشعار بتاعه فيبدأ يوصفه ليك وبالتالي بتبدأ تستدل علي الشركة من شعارها والالوانه مش من اسمه وبس ولو سألتك تعرف شركة ابل او كوكاكولا او ماكدونالدز اول حاجة هتتذكر شعارها وهنا بتظهر قوة كبيره للوجو مع كثره استخدامك لمنتجات البراند بيبدأ يحصل تألف نفسي بينك وبين العلامة التجارية .
٤- بيلفت الانتباه
كام مره وانت بتتسوق او بتشتري ملابس ولفتك شعار محل ؟ او كافيه وتوقفت وحابب تدخل المكان وتجرب ؟
بيلفت الانتباه
ان تصميم شركتك يجذب انتباه العميل المحتمل ويجذبه انه يدخل يجرب خدمات الشركة دي بفلوس كتيره صح ؛)
٥- بيسيب انطباع قوي عنك
تصميم الشعار كل ماكان معمول بدقة كبيرة كل ما اظهر قوة البراند. نفسياً العميل بيحس ان الشغل اللي معمول باتقان كبير يستاهل يتدفع فيه فلوس كتير وبالتالي تصميم شعارك المتقن بيأكد فكرة ان براندك قوي ويستحق كل السعر اللي بيدفع فيه.
زود في معلوماتك اهم نصائح لتصميم لوجو أحترافي ( انفوجرافيك )
مراحل اللي بيمر بيها التصميم :- ( انفوجرافيك )
مراحل تصميم الشعار
ليه تدفع مبلغ في تصميم شعار شركتك ؟
الاجابة علي السؤال ده يا صديقي هتكون بكل بساطة علشان تحصل علي المميزات دي :-
١- يجذب ليك العملاء المستهدفين.
٢- ليكون ملائم مع اهداف الشركة ورؤيتها
٣- تبقي مميز وسط المنافسين.
٤- علشان يسيب انطباع مميز عنك.
٥- تم تصميم الشعار لجمهورك انت.
٦- تفضل في ذاكرة جمهورك فتكون اول اختيار ليهم.
كم سعر تصميم اللوجو ؟
سعر اللوجو بيختلف حسب مجموعة من التفاصيل اللي بيحتاجها كل بيزنس لكن في المتوسط اللوجو الاحترافي في السوق العربي بيبدأ من 350$ حتي 1500$ اما الهوية البصرية – Brand identity فتبدأ من 500$ حتي 2000$. اما اسعار شركات التصميم والبراندينج تبدأ من 500$ للوجو والهوية البصرية تبدأ من 750$. ( حسب السوق المصري)
ايه الفرق بين اللوجو من مواقع مجانية واني اتواصل مع شركة متخصصة؟
في مجموعة من الاسئلة اللي بتكون بتدور في بالنا قبل ما نبدأ في تنفيذ شعارك الخاص زي مين عميلك المستهدف ؟ ايه هي قيم الشركة واهدافها ؟ هوية الشركة او صوت الشركة وغيره من الاسئلة وهدفنا في طرح الاسئله دي اننا نقوم بتصميم شعار متسق مع اهداف الشركة وقيمها ويكون بيحكي قصه الشركة وتتوفر فيه مجموعة من الشروط علي رأسها الفن والابداع لربط الاهداف مع الصوره الذهنية عند العملاء.
امثلة لشعارات المليون دولار الشهيرة
من اشهر الامثلة علي شركات دفعت مليون دولار لتطوير هويتها البصرية شركة بيبسي كولا
تطوير شعار شركة بيبسو كولا
وشعار CitiBank اللي اتكلف 1.5 مليون دولار
وشعار BBC اللي اتكلف 1.8 مليون دولار
وغيرهم من الشركات العالمية اللي تم دفع اكثر من 5 مليون دولار في تطوير العلامة التجارية الخاصة بهم
لطلب خدماتنا التسويقية مثل Brand identity هوية العلامة التجارية و Motion graphics الموشن جرافيك و Mobile Apps تطبيق الجوال وغيرها احصل عليها من المتجر او تواصل معانا
الخلاصة
دلوقتي بعد ما عرفت اهمية تصميم الشعار وليه محتاج شركة محترفه في تصميم الهوية البصرية مش موقع مجاني واسعار التصميم تقدر تتواصل معانا وتاخد استشاره مجانية هنساعدك فيها في تصميم شعار شركتك والتستفيد اكتر من افكار معرض اعمالنا للوصول لافضل تصيم شعار لشركتك.