سألت نفسك قبل كدا بناء على ايه بنحدد مؤشرات نجاح الحملة الاعلانية ؟  نجاح حملتك بيتوقف بدرجة كبيرة علي فهمك لمؤشرات نجاح الحملة الاعلانية في البلوج بوست ده هنشرح مع بعض خطوات التعرف علي مؤشرات نجاح الحملة الاعلانية بداية من تحديد هدف الحملة الاعلانية وازاي تستخرج التقرير المناسب ليك مروراً بالاسئلة اللي بتسألها لنفسك وتجاوب عليها

هدف الحملة الاعلانية

مؤشرات نجاح الحملة الاعلانية ( دراسة حالة )

قبل مانبدأ في اي حاجة لازم نبقي محددين هدف الحملة الاعلانية هل احنا عاوزين نعمل awareness لشركتنا او منتج جديد عندنا ولا عاوزين نجمع مبيعات لمنتجنا وقتها هتختلف استراتيجية الاعلان وهتختلف معاها ادوات قياس نجاح الحملة لو هنقول مثال علي كده :-

محتاجين نعمل حملة وعي تجاه مشاركتنا في ايفينت معين ( هدف الحملة وعي ) يبقي هيكون عندنا معيار اساسي هنبص عليه وهو عدد الاشخاص اللي وصل ليهم الاعلان بتاعنا وادركو مشاركتنا في الايفنت ده ومن خلال العدد ده هنقارنه بالتارجت بتاعنا وممكن نعمل استطلاع راي حوالين المشاركة بعد الايفنت ومن خلال نتائج الاستطلاع ده هنعرف مدى استجابة العملاء لينا وانطباعهم عننا

ازاي تطلع التقرير المناسب ليك من الفيسبوك

زي ما اتفقنا فوق ان لازم تكون محدد هدف الحملة الاعلانية قبل ما تبدأ فيها وكمثال اللي اتكلمنا عنه ان هدف الحملة وعي بمشاركتنا في الايفنت وعلمنا حملة اعلانية علي الفيسبوك هدفها awareness وشغلنا الحملة ومحتاجين نعمل استخراج للارقام علشان نطلع عليها ونحدد مدي نجاح الحملة

بتدخل علي الاد مانجر وتدوس علي الاعمدة وتبدأ في تحديد المؤشرات اللي محتاج تطلع عليها وفي الحالة بتاعتنا دي جزء من المؤشرات اللي كنا محتاجين نطلع عليها : ( الوصول – الظهور – التكلفة لكل عميل هيعرف مشاركتنا – عدد التفاعل مع الاعلان ) وبناءاً عليها بدأنا نحدد شويه حاجات منها:-

• هنكمل الحملة ولا نوقفها.
• توقعات مابعد الحملة مردود مشاركتنا في الايفنت علي رسالتنا في الشركة للجمهور وغيره.
• وصولنا لفئات جديده ومدي انعكاسه علي مبيعات الشركة.

مؤشرات نجاح الحملة الاعلانية

مؤشرات نجاح الحملة الاعلانية ( دراسة حالة )

نيجي هنا للجزء المهم معانا النهاردة مؤشرات نجاح الحملة الاعلانية هل هنكمل الحملة ولا نوقفها ؟ توقعات مابعد الحملة ( هل الحملة دي هتجيب مردود ايجابي ولا خطر انها تستمر رغم تحقيقها لارقام كويسة؟ ) هنا بنبعد تماماً عن الفيسبوك ونراجع اهدافنا اللي حطيناها علشان نطلع بالحملة دي ونقارنها مع الارقام اللي طلعناها من التقرير ولو هنرجع للمثال بتاعنا كان عدد الاشخاص اللي وصل ليهم الاعلان بتاعنا وادركو مشاركتنا في الايفنت ده وقتها كان التارجت بتاعنا اننا نوصل لـ ٥٠٠٠ شخص ادركو مشاركتنا للايفنت ووقت كتابتنا للبلوج بوست ده كنا وصلنا لـ ٦٠٤٠ شخص فاحنا كدة حتي الان حققنا رقم التارجت بتاعنا في الوصول لاشخاص ادركو مشاركتنا في الايفنت من خلال الاعلان ?

هل هنكمل الحملة؟

حتي الان بنقول أه وخصوصاً ان البادجت الخاصة بالكامبين كانت متوسطة بس لسه بنتناقش هل هنوقف ونصرف باقي البادجت في كامبين engagement مع الاشخاص دول او نعمل awareness عن شغلنا لنفس الفئة دي لسه الموضوع قيد النقاش

توقعات مابعد الحملة؟

حتي الان من مراجعتنا للتعليقات علي الاعلان كانت ايجابية وفي بعض منها اسئلة وبيتم الاجابة عليها ومفيش مخاوف عندنا من لقدر الله يحصل شئ سلبي ?

الخلاصة

هنحدد ليك هنا خلاصة مقالتنا انهاردة مؤشرات نجاح الحملة الاعلانية ( دراسة حالة ) فى الخطوات التالية :-

• خطط علي ورقه وقلم قبل ماتبدأ في حملتك الاعلانية
• خليك محدد جداً في هدف حملتك الاعلانية وبناءاً عليها اختار الهدف المناسب من قائمة الاهداف في الاد مانجر
• خليك محدد جداً في المقاييس او المؤشرات اللي محتاج تطلع عليها اول بأول لتحديد مدي نجاح حملتك الاعلانية

لطلب خدماتنا  التسويقية مثل Brand identity هوية العلامة التجارية و Motion graphics الموشن جرافيك و Mobile Apps تطبيق الجوال وغيرها  احصل عليها من المتجر او تواصل معانا

في النهاية تواصل معنا لو عندك اي اسئلة او حابب ندير ليك حملاتك الاعلانية سجل في الفورم دي ? وهيتم التواصل معك